KUSANKHA MALO OBZALAPO MITENGO YA MORINGA

KUSANKHA MALO OBZALAPO MITENGO YA MORINGA

• Akhale malo a dothi lopanda makande komanso lopanda mchenga wochuluka.
• Mvula ikhale yochuluka pa mulingo wa pakati pa mamilimita 900 mpaka 1300 pa chaka.
• Pewani kubzala pa malo pamene chiswe chimavuta.

KUKONZA MALO OBZALAPO CHAM’MWAMBA

• Sosani pa malo/munda
• Limani potipula kuti nthaka ifewe
• Mapando atalikirane motere:

• Ngati tidzakolole njere, mapando atalikirane mamita awiri mulitali komanso mulifupi
• Ngati tidzakolole masamba, mapando atalikirane mamita awiri mulitali ndipo mita imodzi mulifupi

• Kumbani maenje ozama masentimitala 30 kapena lula m’modzi. Ngati tibzalenso mbewu zina pakati pa mapando a cham’mwamba, mapando a cham’mwamba atalikirane mamita anayi (4m) potengera mtundu wa mbewu umene tizabzale
• Sakanizani dothi limene mwakumba ndi manyowa; kenako libwenzeretseni mu dzenje.