MATENDA NDI TIZILOMBO TA NJUCHI

MATENDA NDI TIZILOMBO TA NJUCHI

Zinyama Zosautsa Njuchi ndi kapewedwe kake

Zinyama tosautsa ku njuchi ndi monga izi:

Chiuli, kanyama kodya uchi, (Honey Badger)

• Pachikani mng’oma 1m kuchoka pansi pakati pa mitengo iwiri yotalikirana 5m
• Chotsani kapena dulani nthambi za mitengo zimene zikukhudza mng’oma kuchokera ku mwamba kwa mtengo.

Chiswe ndi Nyerere

• Pakani girizi mawaya amene agwirana ndi mng’oma kawiri kawiri
• Wazani phulusa pansi pa mitengo pamene pali mng’oma
• Chotsani udzu onse umene uli pansi pa mitengo mwayika mng’oma.

Gulugufe (Wax moth)

• Ana a gulugufe (mbozi) amaononga malesa makamaka momwe muli ana a njuchi. Pangani izi kuti muthane ndi vutoli:
• Zulani / chotsani zisa zonse mu mng’oma zimene mulibe kanthu
• Tsukani timatabwa tomwe njuchi zimamangapo chisa “Top Bars” tomwe takololedwa.

 

Anthu akuba

• Alimbikitseni anthu ena kutenga nawo gawo pa ulimi wanjuchi
• Ming`oma isakhale kutali kwambiri ndi nyumba zokhala anthu
• Yenderani ming`oma pafupipafupi.