KUTETEZA MPUNGA KU MATENDA

KUTETEZA MPUNGA KU MATENDA

Mpunga umagwidwa ndi matenda osiyanasiyana koma matenda a Ciwawu ndi Thomba ndi matenda amene ali ovuta ku mpunga ku Malawi kuno.

Chiwawu / Leaf blast

Matendawa amagwira masamba ndipo amaononga mpunga kwambiri.

Zizindikiro zake

• Timadothomadotho ta mtundu wa mtambo wa buluwu pa masamba, timadothoti timakula ndikukhala tozungulira pakati pa khakhi/phulusa ndi mkwaso wozungulira woderadera
• Timadothoti timalumikizana ndipo masamba amaoneka oderadera
• Pa ngalangala ya mpunga pamaoneka timikwaso takuda
• Ngalangala zimafota kenako kufa osabereka mpunga (phwepha).
• 

Kuteteza kwake

Tsatirani ndondomeko za makono zabwino zolimira mpunga ngati izi:

• Tenthani zinyalala zonse zotsalira pokolola mpunga ogwidwa ndi matendawa
• Tenthani zotsalira zonse za mpunga mukakolola
• Palirani ndi kutentha udzu onse mumigula ya madzi komanso ndunda
• Dzalani mpunga motalikirana bwino
• Gwiritsani mbewu ya mpunga yovomekezeka
• Poperani mankhwala ovomekezeka kuti muchepetse matendawa
• Musathire feteleza wochuluka wa mchere wa nitrogen.