KUBZALA

KUBZALA

Kusankha mbewu

• Kusankha mbewu yobzala kumatengera kuchuluka kwa zokolola za mbewuyo, kutalika kwa nthawi kuti ikhwime, kupilira kwa mbewuyo ku matenda komanso kudera kumene mukulima

• Gwiritsani ntchito mbewu yovomerezeka kuchokera ku ma ofesi a zaulimi komanso ma agulodira ovomerezeka

• Iswani/sendani mbewu ya mtedza nthawi yomwe mukufuna kukadzala

• Mbewu ya mtedza mutha kuyibwereza kubzala mosapitilira zaka zitatu

• Afunseni alangizi a boma za mbewu yoyenerera dera lanu.

Kuthira Inokulanti

• Mungathe kuthira inokulanti ku mbewu yanu ya mtedza kuti ichite bwino

• Inokulanti mungathe kumugula ku ma ofesi a zakafukufuku a unduna wa za malilidwe komanso kwa ma agulodira ovomerezeka

• Werengani malangizo akathiridwe ka inokulanti omwe amakhala pa ka paketi ka inokulanti.