KUWUMITSA NDI KASUNGIDWE

KUWUMITSA NDI KASUNGIDWE

• Wumitsani bwino mtedza wanu musanawusunge

• Thotholani mtedza ukauma bwino

• Mutha kuswa mtedza pogwiritsa ntchito manja kapena makina.

• Petani mtedza wamakoko ndikuchotsa zinyalala zonse.

• Sungani mtedza osasenda m’matumba pamalo owuma komanso odutsa mphepo kuti usaonongeke ndi chuku

• Ngati mukufuna kusunga mtedza wosaswa nthawi yayitali, ikani m’matumba ndikuthira mankhwala a Actellic super dust, funsani alangizi momwe mungathilire mankhwalawa

• Sanjani matumba a mtedza pa matabwa kapena pa mitengo kuti asakhudze khoma kapena pansi kuopetsa chinyezi

• Yenderani mtedza wanu pafupipafupi kuti muwone ngati wayamba chuku kapena kuonongeka ndi tizirombo

• Tetezani mtedza ku makoswe posunga mphaka kapena kutchera misapha

• Onetsetsani kuti malo osungiramo mbewu akhale a ukhondo, otetezedwa ku mbewa ndi mbalame. Denga likhale losadontha kukamagwa mvula, losaphwanyika paliponse komanso lotetezeka.