ZAKUDYA NDI KADYETSEDWE KA NKHUKU

ZAKUDYA NDI KADYETSEDWE KA NKHUKU

• Nkhuku zamakolo zimadzipezera chakudya zokha tikatsegulira
• Zipatseni zakudya zowonjezera m’mawa ndi madzulo monga madeya, chimanga, zakudya zotsalira kukhitchini, ndiwo za masamba, ndi zakudya zopanga nokha kuti nkhuku zikule mwa thanzi.
• Zidyetseni zikhokhombe za mazira zopera kuti zidzaikire mazira azikhokhombe zolimba.
• Pangani chakudya cha nkhuku nokha posakaniza zinthu izi:

• Magawo awiri a mgaiwa kapena madeya a chimanga
• Gawo limodzi la ufa wa soya wokazinga ndi
• kamchere pang’ono.

• Sungani anapiye m’khola (basket layering) kuti azipatsidwa chakudya chokwanira ndichoyenera, komanso kuti anapiye akule bwino ndi kutetezeka kuzirombo monga a khwangwala ndi mbalame zina.

• Zipatseni madzi abwino nkhuku nthawi zonse

Chomwera madzi

• Kuti mudziwe zambiri za zakudya ndi kadyetsedwe ka nkhuku kafunseni kwa alangiza a ziweto m’dera lanu

Kuti nkhuku zanu zikhale ndi thanzi tsatirani izi:

• Samalirani ndi kudyetsera bwino nkhuku zanu
• Zipatseni katemera wa Lasota pa miyezi itatu ili yonse kapena I2 pa miyezi inayi iliyonse kuti muteteze nkhuku kumatenda a chitopa

• Musapereke katemera kunkhuku zomwe zikudwala
• Zimwetseni nkhuku mankhwala wopha njoka za m’mimba makamaka miyezi yapakati pa Disembala ndi Malichi pamene mvula ikugwa kuti nkhuku zikule ndi thanzi
• Tenthani kapena kwilirani nkhuku zonse zimene zafa ndi matenda kuopetsa kufala kwa matendawo.